الأم ليست مجرد شخص عادى فى حياتى، فأمى قصة تُحكى فى كل لحظة من لحظات حياتى وهى معجزة تتجسد فى هيئة بشر، أمى عطاؤها بلا حدود فهى التي تضحى لأجلي أنا وأخويا بكل حاجة وبتتمنى أنها تشوفنا أحسن الناس. أمى بتشجعنى حتى أنمى الموهبة اللى عندى عشان أكون لاعب كرة محترف، وكمان بتفضل ورايا عشان أحافظ وأهتم بمذاكرتى ودائما تقول لي التفوق العلمى ينمى الموهبة. وتأكد علي أنى يجب أن أحافظ على أخلاقى وأخاف عقاب ربنا لأنه شايف كل تصرفاتي.
أمى هى أقرب صاحب ليا وكاتمة أسرارى بس بتقول لخالتى والميس بتاعتى بس.
دائما بتقعد معايا أن وأصحابى وتفتح حوار وتسيب كل واحد يقول رأيه ولما سألتها واعترضت قالت لازم أعرف تفكيرهم وأسلوبهم عشان صاحبك بيكون صورة عنك.....وده اللى بعرفه مع الوقت....أمى وصحبتى وحبيبتى كل عيد وأنت أغلى الأعياد بحبك وبلاش تزعلى منى عشان الدنيا بتكون حلوة لما بتفرحى ....إبنك اللى مطلع عينك يا نور عينى.