كشفت الفنانة غادة عادل عن خوفها فى البداية وترددها قبل الموافقة على المشاركة فى الفيلم الكوميدى «البطة الصفرا».
وقالت غادة عادل عبر تصريحات تليفزيونية لها: «فى الأول كنت مترددة فقالوا لى ممكن تقرى بس، قلت لهم مش عاوزة أعمل فيلم كوميدى الفترة دى، فقالولى ممكن تقرى وتقولى لنا رأيك، وأنا من ربع الفيلم قلت لهم أنا عاوزة أعمل الشخصية دى».
وعن خوفها من تقديم الأدوار الكوميدية أوضحت: «ساعات بيبقى دور البنت فى الأفلام الكوميدى مش حلو، فدى أكتر حاجة بتضايقنى، فدايماً دور البنت بيبقى علشان بس يكون فيه واحدة بتعمل حاجة مش مهمة، لكن هنا بعمل شخصية جديدة عليا وخوفتنى، وفيها حاجات جديدة يمكن ما عملتهاش فى مشوارى قبل كده».
ومن المقرر أن تؤدى غادة دور زعيمة عصابة، ويتعاون معها الفنان محمد عبدالرحمن «توتا» فى عمليات السطو، قبل أن يتورطا فى مشاكل كثيرة وسط مواقف كوميدية.
فيلم «البطة الصفراء»، من قصة وسيناريو وحوار محمود عزت، بطولة الفنانة غادة عادل، ومحمد عبدالرحمن «توتا»، محمود حافظ وفرح الزاهد، وإبرام سمير وحسن أبو الروس وأحمد طلعت، ومن إخراج عصام نصار.