بعد أن حقق مسلسل «موضوع عائلى» نجاحاً باهراً وتفاعلاً كبيرا ًبين الجمهور وشخصيات العمل الدرامى بعد عرض الجزء الثانى منه.. بات السؤال حول وجود جزء ثالث من المسلسل محط اهتمام المشاهدين، ليجيب الفنان ماجد الكدوانى عن سؤال الجمهور فى تصريحات تليفزيونية.
وقال  الكدوانى فى مداخلة تليفونية مع الإعلامى عمرو أديب ببرنامج «الحكاية»: «اللى يريده ربنا يكون، بعد نهاية الجزء الأول قولنا منعرفش هنقدر نقدم جزء تانى ولا لأ، لكن الحمد لله والشكر لله ربنا أراد وبعت الأفكار الحلوة للأستاذ أحمد الجندى، ويا رب إن شاء

الله نرتبها مع أستاذ أحمد الجندى وأستاذ أحمد الجناينى، نفكر مع بعض لأن محدش بيشتغل لوحده إحنا كيان واحد وإن شاء الله يارب يكمل».
وأكد ماجد الكدوانى أن الهدف من المسلسل هو توصيل بعض الرسائل للجمهور قائلاً: «الهدف من المسلسل بعيداً عن الترند أن تصل الرسايل للجمهور، كنا شايفين إن إحنا فى احتياج لتوصيل بعض الرسائل الإنسانية، والحمد لله أن ربنا قدر يوصلها من خلالنا.»
كما تحدث الكدوانى عن مشهد «المناجاة» وقال عنه: «ببساطة شديدة كل هدفنا نقول إن أى إنسان ممكن يكلم ربنا فى أى وقت بأى شكل، والأهم أننا مننساش نكلم ربنا، هى مناجاة أى إنسان فينا ممكن يكلم ربنا فى أى وقت وهو دا شكل المناجاة، إن ممكن فى أى لحظة أكلم ربنا وأقول كل اللى فى قلبى وأكون واثق وكلى إيمان إن ربنا هيسمعنى».
مسلسل «موضوع عائلى 2» فكرة وإخراج أحمد الجندى وسيناريو وحوار محمد عز الدين وكريم يوسف، وبطولة ماجد الكدوانى، نور، رنا رئيس، محمد شاهين، سما إبراهيم، طه الدسوقى، محمد رضوان، محمد القس، ياسمين ممدوح وافى.