كشفت الفنانة شيرين رضا سبب اختيارها لدور نادية فى مسلسل «وبينا معاد».
وقالت شيرين رضا، عبر تصريحاتي تليفزونية لها: «اللى جذبنى لشخصية نادية إنى عمرى ما عملت حاجة زيها، عمرى ما أتعرض عليا حاجة زيها، مشاكلها وولادها، وهى ناجحة فى شغلها، وناجحة فى بيتها، كل دى حاجات بتتحط فى شخصية واحدة، عمرها فى حياتى ما اتعرضت عليا».
وأضافت شيرين رضا قائلة: «والله مبسوطة جداً، المهم إن إحنا نفضل نناقشها مش فترة وننساها، والمرأة نص البلد، والعنف ضد المرأة وبهدلتها فى المحاكم، القضايا ديه مينفعش نسكت عليها خالص، ولازم نفضل نناقشها، والمسلسل ده بيوضح قد إيه الست جامدة».
«وبينا ميعاد» مسلسل اجتماعى كوميدى، يستعرض تفاصيل الحياة ومشكلاتها وأزمات تربية الأبناء فى الطبقة المتوسطة، من خلال البيوت وأماكن العمل والدراسة والمشاكل اليومية التى من الممكن مواجهتها بحلول عملية بسيطة.