لا يزال الفنان خالد عجاج يعيش أصداء نجاح أحدث أغنياته «نفسي أفوق يا دنيا»، التي طرحها قبل أسبوعين، وتعتبر عودة له للغناء بعد غياب حوالي 4 سنوات.
وكشف خالد عجاج في تصريحات تليفزيونية قائلا: «كل الأصوات والمحيطين بي بيقولوا عايزينك وحابين نسمع صوتك، لكن أكثرهم محمد فؤاد، لأني بحبه وهو عشرة عمري، وفي كل مناسبة يقوللي ارجع واشتغل».
وردا على سؤال ما الذي كان ينتظره ليقدم على خطوة العودة، قال: «عايز أرجع أقدم حاجة جديدة، مش حاجة تقليدية زي اللي عملته، وده عيب اللي عمل أغاني كتيرة زي حالاتي».
وأضاف: «كلام أغنية نفسي أفوق يا دنيا خطفني، وفكرة الأغنية جديدة جدا، وسعيد بتفاعل الناس والحاجات اللي بيعملوها على تيك توك، رغم إن الأغنية درامية».
يذكر أن أغنية «نفسي أفوق يا دنيا» تعتبر التعاون الأول بين خالد عجاج، والملحنة رنا طارق والموزع أسامة عبد الهادي و الشاعر محمود شوقي.