في الوقت الذي ترددت فيه شائعات عديدة عن وجود خلافات بين الفنان تامر حسنى و الميجا ستار عمرو دياب، وبينما طالب عدد كبير من الجمهور أن يجتمع كلاهما في عمل فنى واحد أو حفل مشترك، جاء حفل زفاف الفنان أحمد عصام ليلبى مطلب قطاع كبير من الجمهور.
فقد أشعل نجوم الغناء حفل زفاف الفنان أحمد عصام بحضور حميد الشاعري ومصطفى قمر، وشارك الفنان تامر حسني والميجا ستار  عمرو دياب الغناء لأول مرة بعد شائعات خلافهما.
وتصدر غناؤهما معا التريند على وسائل التواصل الاجتماعي وسط إشادة كبيرة من الجمهور بالأغنيات التى قاما بتأديتها سمعا.
وكان من بين أبرز تعليقات الجمهور على غناء عمرو وتامر والحضور الضخم للفنانين: "كان نفسي المعجزة دي تحصل، فعلا حاجة غريبة ومين أحمد عصام أساسا عشان كل النجوم دي تحضر فرحه، يمكن في حاجة الناس متعرفهاش ده ممثل على ما تُفرج، ألف مبروك للعروسين عقبال أولادي يا رب، هو أنا الوحيد اللي مش عارف أحمد عصام".
وكتب آخرون "أحمد عصام ده طلع في مسلسل ولي العهد مع حمادة هلال وعلا غانم وبوسي، كان طالع بدور محامي نصاب، بس مين هو علشان يجيب اكبر مطربين مصر ده بقه اللي مستغرباه، هو أصلا مصمم fire works قبل ما يكون ممثل وعشان كده كل المطربين يعرفوه لأنه بيصمم حفلاتهم، احتفال جميل فعلا بس مين أحمد عصام".