قدم الإعلامي الكبير محمود سعد حوارا رائعا مع نجمة الاغراء الأولي في مصر هند رستم، ومن بين أسئلة الحوار كان سؤالها عن سر اعتزالها وهي في عز مجدها قائلا : مندمتيش على قرار الاعتزال يا مدام هند، خصوصًا إنك اعتزلتي وأنت عندك أربعين سنة يعني في عز مجدك؟ إطلاقًا بالعكس، عارف المثل اللي بيقولوه "وراء كل رجل عظيم امرأة" مثل صحيح جدًا ، أنا زوجي كان راجل شغلته صعبة تحت إيده أرواح ناس لازم لما يرجع بيته يلاقيه هادئ فكان لازم أبعد واسيب كل حاجة، كان هيجي البيت يسأل فين المدام في التصوير، في الاستوديو، مش عارفة أنا حسيت إني لازم اسيب كل حاجة وأقف جنبه.