فى حوار سابق له، عبر أحد البرامج التليفزيونية، تحدث الفنان الراحل علاء ولى الدين عن دور الإذاعة فى تعزيز حبه للفن وشغفه بأن يصبح ممثلاً منذ صغر سنه قائلاً: «أول تعارفى بالفن والتمثيل كان من خلال الإذاعة، لما كنت بروح مع والدى وكنت بشوف تسجيلات لفنانين كبار زى عدلى كاسب وعبد المنعم إبراهيم وشكرى سرحان وعبد البديع العربى»، معقباً: «كنت دايماً بشوفهم واقفين قدام الميكروفون وماسكين الورق، فبعد كده لما شوفت التليفزيون بدأت أسأل والدى هما مش ماسكين ورق ليه؟! لأن ساعتها كنت واخد فكرة إن اللى بيمثل لازم يكون ماسك ورق وأنا ولا كان ييجى فى دماغى إنى أمثل وآخد بطولة. أنا كنت ببقى منبهر لما بشوف الممثلين على الحقيقة.. فاكر أنه من كتر حبى للتمثيل كنت بقف ورا الكواليس وأشوفهم بيمثلوا إزاى، وكنت حابب الموضوع من وأنا صغير»، موضحاً: «موضوع التمثيل كبر فى دماغى بعد ما خلصت ثانوية عامة، وقدمت فى المعهد عشان كنت عايز أبدأ الموضوع صح».