فى أول تعليق لها بعد تخرجها فى الجامعة، عبرت الفنانة مايان السيد عن سعادتها الكبيرة بحصولها على الشهادة لتلتفت بشكل كامل لمستقبلها المهنى فى عالم التمثيل. وقالت مايان السيد خلال تصريحات تليفزيونية لها: «مبسوطة جداً أنى أخيراً خلصت، بقالى 7 سنين فى الجامعة بسبب شغلى، فيه سنتين مكنتش بروح الجامعة خالص وكنت محتاجة أتخرج عشان زى ما أستاذ هانى رمزى وأستاذ رامى إمام وأستاذ مصطفى قمر قالوا، كنت عايزة أخلى بابا ميدفعش مصاريف، كفاية أوى عليه». وخلال الحفل ظهرت مايان السيد ترتدى قبعة التخرج مكتوباً عليها «فركش يا أساتذة» وقالت عنها:«كان نفسى أعمل حاجة لأن دا يوم مهم بالنسبة لى وحسيت كلمة فركش يا أساتذة اللى بسمعها كل يوم فى التصوير مناسبة لأن خلاص مش هروح الجامعة تانى». وتشارك مايان السيد فى بطولة مسلسل «حمد الله على السلامة» إلى جانب يسرا وكل من شيماء سيف، محمد ثروت، أوتاكا، آدم الشرقاوى، بالإضافة إلى مغنى الراب عنبة، فى تجربته التمثيلية الأولى تليفزيونياً، والمسلسل تأليف محمد ذو الفقار، إخراج عمرو صلاح.