عُرف الفنان سمير غانم بخفة الظل حتى فى لقاءاته التليفزيونية، وفى أحد اللقاءات سئل عن الدور الثانى من وجهة نظره، خاصة بعد فيلم «رمضان فوق البركان»:
* ليه فى فيلم «رمضان فوق البركان» سمير غانم نزل من الدور الأول للدور التاني؟
- أنا مش فاهم ليه بتتاخد المسألة كده، دور أول ودور تانى، لو اتفرجت على الأفلام الأجنبية هتشوف النجوم العالميين بيشتغلوا فى أفلام بأدوار مدتها 5 دقايق و10 دقايق عادى، المهم الدور فى فيلم شكله إيه ومع مين، ومش مهم خالص بقى بالنسبة لى حكاية دور أول أو دور تانى.
* يعنى إنت راضى عن وجودك فى الدور التانى ووجود عادل إمام فوقك فى الدور الأول؟
- آه راضى الحقيقة، وعلى فكرة عادل كان بينزل يقعد معايا فى الدور التانى وأحياناً كنت أنا بطلع له فوق أقعد معاه شوية فى الدور الأول، ونشرب شاى وندردش، وساعات بقى كنت آخد عادل وننزل إحنا الاثنين نقعد تحت مع البواب.