عُـرفت الفنانة سناء يونس بخفة الظل وتقديمها الأعمال الكوميدية، وفى أحد اللقاءات التليفزيونية سئلت عن عدم تقديمها أدواراً رومانسية طيلة حياتها، أى دور الفتاة التى تعيش قصة حب، فقالت ضاحكة: «والله أنا نفسى بس ببص ألاقى بيبعتولى الكاست مين بقى اللى هيمثل دور الحبيب قصادى، أحمد بدير أو حسن حسنى أو حسين الشربينى، طبعاً مش بقلل من قيمتهم خالص دول فنانين كبار ودمهم شربات بس قصص الحب بينى وبينهم فى الأفلام والمسلسلات دايماً بتبقى قصص كوميدية، أنا نفسى أعمل دور رومانسى خالص مفيهوش كوميديا، بس هما مش واثقين إنى أقدر أعمله، خليهم بس يجيبولى حسين فهمى ويشوفوا أنا هحبه قد إيه، يا جماعة والله أنا عندى عطاء من الحب، هاتولى بس حسين فهمى».