فى أحد اللقاءات التليفزيونية سئل الفنان نور الشريف عن الفنانات اللاتى عملت  معهن، خصوصاً أنه عمل مع أعظم فنانات مصر، فقال:
* ممكن تقول لى على كل الفنانات اللى اشتغلت معاهم بإيجاز سريع؟
- سعاد حسنى أعظم فنانة مثلت قصادها تضيف الكثير، جبارة، تخلى الإبداع يتجلى لأن فيه تواصل بينا كبير، ميرفت أمين أكتر ممثلة اشتغلت معايا، وكمان كان وشنا خير على المنتج اللى بنشتغل معاه، نجلاء ماشتغلتش معاها كتير مع إنى

سعاد حسنى

بحبها كممثلة جداً، نيللى من أفضل الممثلات بمعنى الاحتراف الجيد، ممثلة متميزة جداً طبعاً أنا بعشقها كجمهور بقى فى الفوازير مش كزميل؛ لأنها عملت الفوازير بشكل ساحر لكن كممثلة جامدة جداً وشاطرة بتذاكر كويس وإنسانة رائعة فى االالتزام، بحب إلهام جداً كممثلة، الحقيقة إلهام أوقات كتير بتختار أدوار صغيرة بس هى عارفة هتعمل فيها إيه زى فيلم «أيام الغضب» معايا عملت دور صغير خدت بيه جايزة أحسن ممثلة فى أكتر من مهرجان، بحب يسرا جداً جداً تانى فيلم ليها كان أول فيلم يتعرض وكان معايا اللى هو «ابتسامة واحدة تكفى» وفيه بقى مجموعة من الأعمال مشتركة، عبلة كامل عندها تلقائية فى الأداء كبيرة، فأنا بشوف إن «لن أعيش فى جلباب أبي» هو أهم دور ليها إلى الآن، واشتغلت معايا بعد كده فى «هارون الرشيد» وكانت جيدة جداً فى اللغة العربية.
* بكده ليك أفلام مع كل ممثلات العصر الذهبى؟
- ما عدا السيدة فاتن حمامة للأسف الشديد لم أنل شرف التمثيل معاها، هى طلبتنى فى «ليلة القبض على فاطمة»، واعتذرت عنه لأن الدور ومضمون الفيلم مارتاحتلوش.