كشفت الفنانة منة فضالى تفاصيل دورها فى مسلسل جعفر العمدة المقرر عرضه ضمن مسلسلات رمضان 2023.
وقالت منة:«شخصية نرجس فكاهية ودمها خفيف، ومخها على قدها وتفكيرها محدود لكن طيبة ورومانسية وشقية جداً».
وأضافت منة فضالى فى تصريحات تليفزيونية لها: «ساعات بتبقى نكدية لكن مش طول الوقت، وفيها تحول فى شخصيتها، والدور صعب ومحتاج مجهود وتركيز وحاولت بقدر الامكان أنى اشتغل على نفسي».
وأردفت: «نرجس طيبة أوى لكن ساعات بتتصرف تصرفات يتفهم منها أنها شريرة، فهى جاهلة وتتصرف على طبيعتها وأحياناً بغشومية لكنها طيبة جداً».
واستطردت: «أول مرة اشتغل مع محمد رمضان، والشغل معاه ممتع وهو من الممثلين الأقوياء وعبقرى بصراحة وبيشتغل على نفسه كتير، وأنا بستفيد منه حقيقى على الرغم أنه أصغر مني».