الأربعاء 22 مايو 2024

صباح: أحب الست صاحبة الشخصية والكرامة فى حبها

صباح

20-3-2023 | 13:12

أميمة أحمد

فى أحد اللقاءات التليفزيونية التى دارت بين الفنانة صباح والفنانة صفاء أبو السعود، وبالحديث عن الحب فى حياة صباح وكيف تتعامل مع الحب فى حياتها قالت، عند سؤالها:
* يعنى هو المفروض الواحدة لما تحب واحد تروح وراه؟
- لا، أنا مش من النوع ده، لا أروح وراه ولا أى حاجة حتى لو مرتبطة بإنسان وخرج ماكلموش فى التليفون إلا إذا هو اتكلم، إلا لو عايزة حاجة مهمة.
* ماتقلقيش عليه.. ليه ماتكلمش أو إيه الحكاية؟

صفاء أبو السعود

 - عارفة ليه، إذا كنت عايزة إنسان مش عايزه أعرف هو بيعمل إيه لكن إذا كنت مش عاوزاه وعاوزة أخلص منه أدور وراه.
‏* طيب إزاى تبقى عارفة إن هو بيلعب، بس إنتى عيزاه.. تتحملى ده؟
- ‏مدام مش عارفة يبقى خلاص قدامى هو برىء، لكن لو عرفت خلاص مايبقاش فى حياتى، أنا أحب الست يبقى عندها شخصيتها وعندها كرامة فى حبها، وعشان الراجل يحترمها كمان مش يلاقيها زى الكرسى فى البيت.