واضح، أن المداح داخل فى حرب جديدة شرسة وصعبة يا ترى هيكون قدها؟
إيه أصعب من إن الإنسان ما يقدرش يتحكم فى نفسه، ينام ويصحى من غير مايتحكم فى نفسه، إيه هو الجن العاشق اللى قلب حياة أمينة، بنت جميلة من عائلة محافظة جداً حافظين لكتاب الله، مخطوبة وهتتجوز من شاب بيحبها قريب جداً، لكن فجأة إيه اللى حصل قرر يسيبها من غير أى سبب واضح، وفجأة أمينة جابت العار لأهلها وبقت حامل فى شهرين، طيب إزاى من غير جواز، أمينة حظها الوحش جداً رماها قدام مغارة غيرت حياتها بالكامل، جن عاشق أصبح متيماً بها، كره خطيبها فيها واتجوزها رغماً عنها وأصبحت حاملاً منه!
توسل أهلها للمداح عشان يعرف إزاى بنت البنوت أمينة حامل فى شهرها الثانى ومن غير جواز، من أول ما شافها واتعرف الجن عليه.
أنا عارفك، أنت صابر المداح مش هتقدر تأذينى أنا مش ملك نفسى.
عرف المداح أن السر وراء اللى حصل لأمينة فى مغارة غريبة ومن بداية دخوله شاف عالم تانى غريب، حروف كتير مكتوبة بشكل غريب، طلاسم مكتوبة فى كل مكان، فضل يمشى ويمشى وفجأة كل الحروف اتجمعت على شكل شجرة.
الدنيا اتغيرت حتى السماء أصبحت أكثر ضباباً.
صابر خايف ومش عارف إيه اللى حصل وكأن عالم الجن كله دخل جسده، وبمجرد خروجه من المغارة كان الجن فى انتظاره، حتى مراته اللى فى شهرها السادس ولدت وكان الجن فى انتظار ابنه وبيقول.. «ابننا جه.. ابننا جه».. هى دى نهاية رحلتنا مع الحلقة الأولى من «المداح» يا ترى هيحصل إيه فى اللى جاى.
بعد عرض الحلقة الأولى من «المداح»، وللعالم الثالث على التوالى يتصدر مسلسل «المداح» قائمة الأكثر مشاهدة.
أحداث المسلسل سريعة، والقصة مشوقة بالنسبة لكونه الجزء الثالث منه، أما عن أداء الفنانين فهو دائماً فى تطور.. حمادة هلال محافظ على مستواه، خالد سرحان كل مدى بيبدع أكتر، إلى جانب كل النجوم الكبار اللى هنشوفهم فى الجزء الثالث مثل رانيا فريد شوقى والفنان محمد رياض.