تحدثت الفنانة أسماء جلال عن شخصية «سلمى» التى قدمتها فى مسلسل «الهرشة السابعة» وكواليس تحضيرها لها. وقالت أسماء جلال، عبر تصريحات تليفزيونية لها: «الدور كان صعباً لكنه بسيط، أهم حاجة كان لازم يظهر أنها إنسانة طبيعية عاشت تجربة صعبة وفى حاجات جواها بتطلع فجأة، مش لازم تظهر فى كلام ممكن تكون بنظراتها، والمخرج كريم الشناوى محترف فى تقديم هذه النوعية من الأعمال». وأكدت أسماء جلال أن شخصية سلمى لا تشبهها، لكنها حاولت أن تتقرب منها وتفهم مشاعرها قائلة: «الشخصية مش شبهى، لكن عشان أقدم أى شخصية لازم يكون هناك خيط بينى وبينها، ممكن يكون مجرد أنى تخيلت هى مرت بإيه، لازم أحس إحساسها عشان أقدر أمثله، لكن هى مش شبهى». وكشفت أسماء جلال خلال حوارها عن طريقة تعاملها مع التعليقات السلبية والانتقادات التى تكتب لها عبر حساباتها فى مواقع التواصل الاجتماعى موضحة: «لا أقرأ التعليقات اللى بتتكتب وتكون أحياناً سلبية، أتابع آراء وردود فعل الجمهور فى الوقت اللى بيكون فيه حاجة بتتعرض، لكن مش بقرأ كل تعليق بيتكتب دا هيخلينى أتجنن، فى الأول كنت بركز فى كل تعليق، لكن فكرت أن ممكن الشخص اللى بيكتب حاجة سلبية لو شافنى تانى يوم فى الشارع هيتصور معايا، ليه أضايق نفسي». مسلسل «الهرشة السابعة» مكون من 15 حلقة، من بطولة أمينة خليل، محمد شاهين، على قاسم، أسماء جلال، عايدة رياض، محمد محمود، حنان سليمان، أحمد كمال، وعدد من الفنانين، ومن تأليف مريم نعوم، وإخراج كريم الشناوى.