في أحد الحوارات الصحفية الجميلة جدا مع النجمة نجلاء فتحي قصت لنا عند بدايتها الفنية وكيف اكتشفها العندليب الأسمر فقالت " بنت الـ 16 سنة اللي اكتشفها عبد الحليم حافظ، لما قابلت "عبد الحليم" لأول مرة قولت له: "أنا عايزة أمثل"، في الأول كان بياخد الموضوع بضحك، لأن بنت صغيرة وكل البنات في سني حلمهم يتشهروا، بس لما لقاني دايما بكرره وكل يوم بمثل شخصية حس إن فعلا عايزة أمثل،  
فقال لي: هو الكلام بجد ولا عايزة تبقي نجمة ومشهورة وخلاص؟  
قولت له: لا أنا بحب التمثيل وعايزة أمثل.

فقالي: لو حلمك تمثلي أنا هقف جنبك وأي مساعدة أو أي خدمة تحتاجيها أنا هساعدك.
قدمني للمنتج رمسيس نجيب، وقعدنا فترة نختار اسم فني، وأنا كنت بقترح شهيرة، نانا، سالي.. فقالي: "لا لا سيبك من الأسماء دي، عايزين اسم عربي ويبقى حلو"
فاختارلي اسم "نجلاء" عشان ماكانش ينفع أطلع بإسمي الحقيقي "فاطمة الزهراء" عشان ده اسم بنت النبي.