قال المخرج كريم الشناوى، إن وضع النهاية المفتوحة لمسلسل «الهرشة السابعة»، كان مقصوداً.
وأضاف الشناوى، عبر تصريحات تليفزيونية له: «أنا قاصد النهاية المفتوحة لأن معندناش الحق إننا نقول للناس النموذج ده ينتهى بشكل معين أو نهاية معينة، وليس الكل شبه بعضهم، لينا الحق فقط إننا نعمل أسئلة، لكن مقدرش أقول للناس إن حل القصة دى يكملوا أو ميكملوش، معندناش الحقيقة دى.. منقدرش نقول للناس ده الحل خالص».
وأشار الشناوى إلى أنه تعرض فى السنة السابعة من زواجه لنفس المشكلة التى ناقشها مسلسل «الهرشة السابعة»، قائلاً: «أنا أتكلم وأبقى كويس وأحاول أشتغل على نفسى، ومش هعترف بأى حاجة تانى لأن كده خطر، وأنا غلطان إنى عملت الهرشة السابعة».
وأكد كريم الشناوى أنه يتمنى وجود جزء ثانٍ من المسلسل، ولكن بمخرج آخر، فهو كمشاهد متحمس لوجود جزء ثانٍ من العمل بعدما حقق ردود فعل إيجابية بعد عرضه فى موسم رمضان 2023.