في أحد اللقاءات التلفزيونية سئل الفنان نور الشريف عن سر عدم ذهابه لجنازات أصدقائه من الفنانين وخاصة جنازة يوسف شاهين رحمة الله عليهما فقال "وقت جنازة يوسف شاهين أنا كنت برة مصر ولو كنت جوة مصر ماكنتش هحضر الجنازة ، لأن جنازات الفنانين بقت مستفزة إلي أقصي درجة بسبب الناس ، الناس جايبة الموبايلات تصور الفنانين والواحد مننا بيبقي واقف مقهور ، حصلتلي في جنازة أحمد زكي، كان آخر جنازة أحضرها ، شيء مستحيل، واللي عايز يتصور ويقولك صورة للذكري أنا ف ايه ولا ف ايه ؟
أنا حزين على أستاذي أو زميلي وجاي تقولي نتصور مع بعض يا أستاذ !، لكن أنا بروح العزاء بالليل ، إنما أي منطق إن أنت جاي تعزي في رحيل إنسان عظيم فيتحول إنك عايز تتصور مع فنان آخر أو جاي عايز تحل مشكلة ، أطلب من الناس تحترم الموت، تحترم الجنازة ، تحترم لحظة الفراق النبيلة دي ، لو عندكوا الشوتات هاتوا وشوفوا الناس اللي بتشاور للكاميرا"