أكدت الفنانة جومانا مراد أن وفاة ابنتها كانت تجربة صعبة، خاصة أنها كانت تتوقع تغلبها على المشاكل الصحية التى عانت منها.
وقالت جومانا مراد، عبر تصريحات تليفزيونية لها: «شعور الموت صعب وصفه، لكن سبحان الله لما ينزل لنا حاجة بينزل معاها الصبر والقوة».
وأضافت: «فاكرة يوم دفنها كانت الناس بتبكى وأنا مش بعمل حاجة غير قراءة القرآن، ربنا يحفظلى عيالى وهى ملاك فى السما، لكن مكنتش متوقعة وفاتها، وكنت طول الوقت أقول بنتى مقاتلة هتقوم من أزمتها ومش هتموت».
وكشفت جومانا مراد عن اللحظة التى شعرت فيها بقرب وفاة ابنتها قائلة: «قبل ما تموت بيوم معرفتش أنام، وزوجى سألنى مالك، قلت له بنتى هتموت، والصبح ماتت».
وتابعت: «كنت بزورها وكان وقت كورونا وصعب أدخل لها، ودايماً كنت أحط إيدى على رجلها وأقرأ سورة ياسين وأدعية، وآخر مرة حطيت إيدى على جبينها وقرأت دعاء وعرفت إنها هتموت، وأنا خارجة من عندها شميت فى إيدى ريحة ريحان، ريحة أهل الجنة».
وأوضحت جومانا مراد أنها اكتسبت مزيداً من القوة بعد وفاة والدها بقولها: «موت أبويا قوانى أكتر، وبقيت أرتاح لزيارة المقابر، وأزور قبره كتير قبل الشغل أحياناً».