فى أحد اللقاءات التليفزيونية القديمة جداً مع الفنانة عبلة كامل، وهى معروف عنها عدم حب الظهور كثيراً فى البرامج أو حتى الحوارات الصحفية، وأيضاً معروف عنها عدم حبها للمبالغة فى ارتداء الملابس أو المجوهرات أو حتى وضع مساحيق التجميل على عكس كثير من الفنانات، سئلت عن ذلك.
* عادةً بنشوف الممثلات لما بيبقى معاهم فلوس بيشتروا هدوم ماركات مشهورة.. إنتى مشهورة بإنك دايماً تختارى الحاجات البسيطة.. ممكن تشرحيلى وجهة نظرك؟
- أنا شايفة إن أنا بلبس معقول، ولما بيبقى فى مناسبة بلبس فى حدود المناسبة، بس بشكل عام أنا مش عايشة علشان ألبس بس، فيه ناس بيسعدها اللبس ده شيء جميل، أنا مثلاً بحب الفضة بشكل غير عادى وبحب ألبس فضة كتير كتير، بس أنا دلوقتى مش قادرة ألبس فضة علشان ما يصحش أبقى لابسة فضة كتير كدة فى البرنامج.