تحدثت الفنانة عارفة عبدالرسول عن صداقتها بالفنان الراحل وحيد سيف. وحكت عارفة عبدالرسول، عبر تصريحات تليفزيونية لها عن بداية تعارفها بالفنان الراحل قائلة: «الله يرحمه عمل معايا موقف جميل جداً، ومش نسياه للنهارده، كان بيعمل مسرحية فى إسكندرية، وكان فى ممثلة ليها دور، لكن جالها تصوير فى القاهرة، فقالوا لى الأستاذ وحيد عايزنى فى دور، ولما روحت لاقيته بيقول لى للأسف الممثلة رجعت، ومكملة معاهم وهى إللى هتعمل الدور، قالى بس أنا مش عايز أمشيكِ بابتسامتك الحلوة دي». وواصلت حديثها قائلة: «سألنى إيه رأيك تقعدى على شباك التذاكر، وفعلاً اشتغلت فى المسرح مع أستاذ وحيد سيف أقطع تذاكر للناس، واللى عمله فيا إدانى ثقة كبيرة جداً فى نفسى، لأنى كنت نحيفة أوى، وبحس إنى مش جميلة، لكن لما قالى ابتسامتك جميلة، متتصورش عملت فيا إيه الكلمة ديه، ولحد النهارده أنا ببتسم، لما بفتكر دعمه ليا، لأنه إدانى ثقة فى ابتسامتى وفى نفسى، الله يرحمه».