كشف الفنان آسر ياسين فى تصريحات تليفزيونية عن تفاصيل شخصيته فى فيلم «شماريخ» مع النجمة أمينة خليل والمقرر عرضه قريباً. وقال آسر ياسين: «أجسد شخصية راجل بيشتغل فى حاجات مش كويسة وقرر أنه يتطهر من كل دا ويتوب عن ماضيه، والرحلة دى قصادها تمن، والتمن دا ممكن يكلفه حياته، وحياة ناس حواليه، وبنشوف الرحلة دى عاملة إزاى، وهى عبارة عن رحلة شماريخ.» وأعرب عن سعادته بالتعاون مع الفنانة أمينة خليل قائلاً: «أنا وأمينة صحاب جداً، وبنعرف نشتغل مع بعض كويس، وكميتنا فعلاً حلوة مع بعض، وفى فيلم شماريخ بنشتغل مع بعض بشكل كبير، وفيه مشاهد بتجمعنا وبستمتع بالشغل معاها». جدير بالذكر أن آخر أعمال آسر ياسين كان من خلال مسلسل «الكتيبة 101»، الذى عرض فى رمضان الماضى بطولة آسر ياسين، وعمرو يوسف، وفتحى عبد الوهاب، وأحمد صلاح حسنى، ووفاء عامر، ووليد فواز، من تأليف إياد صالح، وإخراج محمد سلامة.