تحدثت الفنانة رانيا فريد شوقى عن ذكرى ميلاد والدها الفنان الراحل فريد شوقي.
وقالت رانيا فريد شوقي، عبر تصريحات تليفزيونية لها «ساعات بحمد ربنا إن هو مش موجود، عشان ميشفش الحالة اللى موجودة حالياً».
وأضافت قائلة: «بابا مفهومه عن الفن كان مختلف أنه لازم يخدم المجتمع ويقدم رسالة وأنا بقول عليه دايماً إنه مؤسسة».
وحول تجسيد شخصيته فى عمل فني، قال: «مش شايفة حد من الموجودين يقدر يجسد سيرة والدي، وفريد شوقى له كاريزما خاصة والهيكل الجسمانى مختلف وعشان كده لقب بملك الترسو».
وذكرت: «السينما أكبر مما يحدث حالياً هى مش أكشن بس، السينما يعنى جعلونى مجرماً وكلمة شرف وبالوالدين احسانا، وكان كاتب مسلسل روبابكيا وملحقش يعمله وقدم الدور الفنان فؤاد المهندس، وكان بيحضر فيلم هو ومحمد هنيدى وكان دايماً عنده أفكار وكان عنده فيلم لأحمد زكي».
وتابعت رانيا فريد شوقى حديثها قائلة: «فريد شوقى قدم نجوم كتير ما بين إنتاج وإخراج وتأليف وهو على فراش الموت كان بيقول فى أدوار لسه معملتهاش وكان حبه للفن ملوش حدود».