كشفت الفنانة أنغام عن أن أصعب لحظة فى حياتها وهى وفاة أختها غنوة، واصفة إياها بأنها اللحظة الأصعب على الإطلاق. وقالت أنغام، عبر تصريحات تليفزيونية لها: «كانت أصعب لحظة فى حياتى على الإطلاق، خبطة كبيرة وقاسية جداً، مع إن علاقتنا مكانتش كويسة، لكن مكنتش عايزه أصدق خالص لحد ما أنا غسلتها بإيدى وكنت عايزه أصحيها». وتابعت: «كان موقفاً قاسياً جداً، مبحبش أدافع عن نفسى، ولا أتكلم عن حد مش موجود، لكن كل اللى أقدر أقوله بمنتهى الأمانة وبينى وبين ربنا، عمرى ما كنت سبب زعلها منى، أو إن يبقى فيه بينا مشكلة، دى كانت بنتى مش أختى، والفرق بينى وبينها 16 سنة». وأردفت: «هى عندها أسبابها الله يرحمها، ممكن لو عمرها طال شوية كانت الأمور تتغير وتعذرنى، لكن ملقتش حد حنن قلبها، هما قسوا قلبها». واستطردت: «أول حاجة وحشتينى جداً، وحشتنى غنوة، بنتى الصغيرة اللى كنت بسرح لها شعرها وأحميها فى حضنى تحت الدش، وياسين أحلى حاجة سابتها فى الدنيا، سابتلى نعمة وهدية كبيرة وحتة من قلبها، وهو فى عينيا».