عبّرت الفنانة اللبنانية نور عن سعادتها بنجاح فيلم «بيت الروبى» وبردود الأفعال على العمل. وقالت نور، عبر تصريحات إذاعية لها إنها لم تتوقع النجاح الباهر للفيلم. وتابعت: «كنت عارفة أنه هينجح، بس متخيلتش أنه هيوصل للدرجة دى، كانت مفاجأة ليا». وعن تعاونها مع كريم عبد العزيز، قالت: «أول مرة اشتغل مع كريم كدراما، بس عملت معاه إعلانين، وكل الناس عارفة أن كريم لذيذ وقريب من القلب، وهو فنان كبير وموهوب، ومع توجيهات المخرج وكتابة حلوة، قدرنا نقدم الفيلم بشكل طبيعى، وهو محبوب عند الناس، ومش مصطنع». وعن اختيارها لأدوارها مؤخراً، قالت: «الممثل بيعدى بمراحل، الأول البنت الحلوة، وبعدين يبقى عنده خبرة، وبعدين يحب يقدم أدوار مركبة، وبعدين بنوصل لوقت أننا مش عايزين نثبت أى حاجة، إحنا بس عايزين نستمتع وده حصل فى بيت الروبى، وكنت مستمتعة أوى بيه». وعن أعمالها المقبلة، قالت: «بحضر لحاجات هعلن عنها فى الوقت المناسب، وبحاول اختار حاجات حلوة، وممكن أقدم خلالها حاجات جديدة».