تحدثت النجمة نيللى كريم، عن تفاصيل مشاركتها فى الموسم الرمضانى المقبل لعام 2024، مؤكدة أنها ستقدم عملاً درامياً مختلفاً. وقالت نيللى كريم فى تصريحات إذاعية: «أنا الحقيقة بقالى فترة عايزة أريح لأنى تعبت لأن كل رمضان بشتغل بقعد 4 شهور، يمكن السنة دى الدور كورق أقل من المسلسلات اللى فاتت يعنى مثلاً فاتن أمل حربى كان من الجلدة للجلدة، فأيام الراحة اللى خدتها كانت قليلة أوى». وتابعت: «هذا العام إن شاء الله أقدم عملاً مختلفاً، وسوف يكون مسلسلاً كوميدياً»، مستطردة: «أحب أفرح الناس، أنا تعبت من الدراما التقيلة وتعبتنى نفسياً وخلاص زهقت وعايزة أدخل فى مرحلة مختلفة». وأكدت كريم، أنها ستركز الفترة المقبلة على تقديم الأعمال السينمائية، قائلة: «عايزة أركز فى السينما لأن يمكن أنا مقصرة فى السينما وبقالى كتير مبقدمش حاجة، السينما ليها طعم مختلف، ووحشتنى السينما».