تحدث الفنان أحمد فهيم عن بداياته الفنية والصعوبات التى واجهته، وكذلك الشخصية التى يتمنى تقديمها. وذكر أحمد فهيم أحد المواقف الصعبة التى مر بها، وقال: «مرة كنت بمثل فيلم، ومهتم بيه، ودخلت العرض الخاص ملقتش نفسى فيه، وكان فيلم سينما كبير وخرجت من السينما فضلت ماشى لمدة كيلو وأنا مقهور لغاية لما جالى تليفون من شخص قريب منى، والحاجات دى كانت بتدينى حافز علشان أكمل». وتابع فهيم: «بستغرب الممثل اللى يقول أنا مش بحب أشوف نفسى، والمخرج اللى هيسيب الممثل براحته ده هيخليه عنده خيال، وده مش هيحصل مع كل الممثلين». واختتم حديثه قائلاً: «أنا شخص بسيط، وبحارب وبكافح من زمان، وربنا كافئنى، وفى وقت فراغى بتفرج على الناس، وهتلاقينى فى أماكن غريبة غير متوقعة، ولو أنا قفلت علي عربيتى وعزلت نفسى أنا كده مش هعرف أمثل، ولازم أكون موجود بين الناس».