خلال تواجدها فى وزارة التضامن الاجتماعى، بحفل على هامش الاحتفال بنجاح حكاية «عيشها بفرحة»، حرصت الفنانة هبة مجدى على التبرع بـ30 كرسياً متحركاً لذوى القدرات الخاصة. وقالت هبة مجدى، عبر تصريحات تليفزيونية لها: «أنا سعيدة بالمسلسل دا، وكان ليا الحظ والشرف أنى أترشح للمسلسل، أول ما جالى الدور أنا مفكرتش أبداً، حتى فى الظروف اللى إحنا كنا بنصور فيها، وفى نفس الوقت متوقعتش أن المسلسل يتشاف بسبب اللى إحنا فيه، وبسبب أن كل واحد متأثر نفسياً ومكتئب». وتابعت هبة مجدى قائلة: «حاولت بقدر الإمكان أنى أوصل الرسالة بشكل بسيط وبالإحساس اللى حسيته من الورق الممتاز، ومكناش بننام عشان نقدر نطلع الحلقات فى نفس الوقت اللى إحنا بنذيع فيه». حكاية «عيشها بفرحة»، وهى إحدى حكايات مسلسل «55 مشكلة حب» من بطولة هبة مجدى، هانى عادل، رانيا منصور، نور إيهاب، نينا المغربى، إبراهيم السمان، مروان يونس، حنان سليمان، جيهان خيرى، إسراء أحمد عطية. والعمل من تأليف عمرو محمود ياسين، وإخراج ألبير مكرم.