فى أحد اللقاءات التليفزيونية مع الفنان نور الشريف سُئل عن أفضل الممثلاث، فكانت تلك المقتطفات من الحوار: * أستاذ نور.. لو سألنا حضرتك بصفة عامة.. مين أفضل ممثلة؟ * * فى ممثلة أنا بحبها بجنون، وأعتبرها قمة من القمم العالمية، الأستاذة أمينة رزق، أستاذة أمينة رزق طول عمرها ممثلة عظيمة، لكن فى المرحلة الأخيرة وصلت إلى مرحلة من النضوج الفنى، أتمنى إن أنا أوصل لجزء منه، أذكر فيلم «أريد حلاً» فى المشهد اللى بينها وبين فاتن حمامة، اللى بتشكى مأساتها، فاتن حمامة بكل تاريخها وبكل أمجادها نسيت نفسها إنها بتمثل، واتفرجت على أمينة رزق فى هذا المشهد، مامثلتش، فاتن حمامة كانت باصة لأمينة رزق كأنها بتقولها أنت بتمثلى إزاى بالطريقة دى.. ويكفى إشارات إيديها بالمنديل ببساطة شديدة، عملت شىء عظيم إلى أقصى درجة.