فى أحد الحوارات الصحيفة مع الفنانة الراحلة رجاء الجداوى، التى عُرفت دائماً وأبداً بأناقتها، وأن بدايتها الفنية كانت من خلال عروض الأزياء، سُئلت عن الأناقة وقدمت نصيحة رائعة لكل سيدة، فقالت: مافيش ست مش حلوة، فى ست ماعرفتش تختار صح، الأناقة مش إنك تلبسى لبس غالى أو ماركات أو على أحدث موضة، الأناقة إنك تلبسى لبس مناسب ليكى.. مناسب لسنك، لجسمك.. المكان اللى إنتى رايحة فيه.. لازم يكون عندك مصالحة مع جسمك، أياً كانت العيوب اللى فيه، وكمان السن؛ ماينفعش لبس العشرينات يتلبس فى الخمسينات، لكن لو فستان مناسب هيكون أشيك كتير.. العمر مش عار عشان ننكسف منه، وإخفاء عيوب الجسم ممكن جداً؛ دى شغلة الأزياء من الأساس.. لازم الواحدة تحب نفسها، تحب شكلها حتى لو هى مش أجمل ست.. ثقتها فى نفسها هتخليها أجمل ست، المهم التصالح مع النفس.