طرح النجم أحمد سعد، أحدث أغانيه والتى تحمل اسم «كده لأ» على موقع «اليوتيوب» وكل المنصات الموسيقية، وهى الأغنية الترويجية للفيلم السينمائى «أبونسب». الأغنية من كلمات منة عدلى القيعى، وألحان إيهاب عبدالواحد، وتوزيع موسيقى أحمد طارق يحيى، وإسماعيل نصرت. ونشر أحمد سعد، بوستر فيلم «أبو نسب» عبر حسابه على موقع تبادل الصور والفيديوهات «إنستجرام» وعلق قائلاً: «استنوا أغنية كده لأ من فيلم أبونسب النهارده الساعة 6 على كل المنصات الموسيقية وقناة اليوتيوب». فيلم «أبونسب» بطولة محمد إمام، ياسمين صبرى، ماجد الكدوانى، وفاء عامر، هالة فاخر، محمد لطفى، ومن تأليف أيمن وتار، وإخراج رامى إمام. وتقول كلمات الأغنية: كده فجأة؟.. بتدق ف قلبى الدقة مين زق الزقة دى عايز أعرف مين دا ومش طيب ليه؟ دا شرير.. دا خطير دا ماشوفتش زيه كتير مش عارف أنفد منه بجلدى ولا الزق فيه بضمير أنا شكلى أهو هجمد قلبى وأقرب منه وألاغيه وهبص ف عينه يميل جنبى ونرقص ع التراباتيه ولا أسكت أصل كتير قبلى أكيد راحوا ورجعوا فشوش متلخبط حاسس حد مخبط على راسى بشاكوش فيه شراسة.. ولذاذة.. ساقع سخن دا ف إزازة الميكس غريب ودا مش هيسيب قلبى إلا وطايلة الكارثة بتسوح.. طاب أروح.. أنا مالى بزن بنوح لا دا شاكله فى حاجة غير التانيين لاتكونشى الحاسة السادسة أنا شكلى أهو هجمد قلبى وأقرب منه وألاغيه وهبص ف عينه يميل جنبى ونرقص ع التراباتيه ولا أسكت أصل كتير قبلى أكيد راحوا ورجعوا فشوش متلخبط حاسس حد مخبط على راسى بشاكوش.