كشف المخرج رامى إمام عن رأيه فى الاتجاه للتمثيل على خطى والده وشقيقه الأصغر محمد إمام، موضحاً أنه أحياناً يفكر فى الأمر لكنه يتراجع بعد ذلك بسبب متاعب المهنة. وأضاف إمام عبر تصريحات إذاعية له قائلاً: «إنى أمثِّل خطوة محتاجة مليون سنة تفكير، وإنى أمثل كوميدى دى محتاجة مليار سنة، موضوع الدم الخفيف حاجة ربانى أو ممكن فى الجينات، أنا مش بشوف دمى خفيف، أنا بحاول طول الوقت أبقى مصاحب الناس اللى معايا عشان محسش بالغربة فى التصوير». وتابع رامى إمام: «يمكن فكرت إنى أمثل أو أرجع للتجربة، لكن بفتكر فيلم (النوم فى العسل) شاركت فيه كان عندى 17 سنة، وكانت تجربة صعبة، وبرجع أقول الحمد لله يارب إنك خليتنى مخرج». ويعرض للمخرج رامى إمام فى دور العرض السينمائية فى الوقت الراهن فيلم «أبو نسب»، بطولة شقيقه الأصغر محمد إمام، وياسمين صبرى.