حلت أمس، الثالث من فبراير، ذكرى رحيل أهم مطربات العالم العربى عبر التاريخ، السيدة كوكب الشرق أم كلثوم، وفى تلك المناسبة نستقطع جزءاً من حوار قديم لها بعد حفلها على مسرح الأولومبيا فى باريس، حيث تحدثت أم كلثوم عن بلدها وعشقها لها، فكان الحوار التالى. * سمعنا فى الجرايد إن أجرك كان أعلى أجر أخذه فنان فى باريس.. 14 ألف إسترلينى تقريباً.. هل صحيح هيروح كله للمجهود الحربى؟ - مش كتير عليه. * شعور عظيم مافيش شك إنك قدوة للفنانين.. بنلاحظ أى فنان بيسافر بيكون عاوز يقعد شوية، لكن إنتى قلقانة أوى وأول ما خلصتى الحفلة بتسألى الطيارة إمتى .. عاوزين نخلص الشغل ونروح - عاوزة أروح بلدى * إيه اللى عجبك فى باريس ونفسك يكون فى بلدك؟ - تقاليدنا حلوة جداً مش عاوزين حاجة، إحنا ما نقلدش حد وما أحبش أبداً أى إنسان يقلد حد تانى، إحنا لينا تقاليدنا ولنا حاجتنا الخاصة الجميلة اللى طبعاً إحنا بنعتز بيها، أنا محبش إن بلدى تقلد بلد تانية أبداً. * إيه أكتر مكان عجبك كل ما تيجى باريس تحبى تفوتى عليه؟ - المسلة، عشان بتاعتنا، عشان جزء من بلدنا.