كشف الفنان أحمد بحر الشهير بـ«كزبرة» عن بدء التحضير للجزء الثانى من الفيلم «الحريفة»، الذى حقق نجاحاً كبيراً فى جزئه الأول، وأعرب عن سعادته بما حققه من نجاح.

وقد نشر كزبرة عدة صور تجمعه بأبطال الفيلم، وذلك عبر حسابه على موقع تبادل الصور والفيديوهات «إنستجرام»، وعلق قائلاً: «من صغرى كان نفسى آخد فرصة تمثيل وكانت بتتأخر عشان ربنا شايلى الأحسن والأفضل ليا، والحمد لله الفرصة جت، والحمدلله بتوفيق ربنا الواحد كان قدها وأول فيلم ليا بقى من أعلى إيرادات السينما المصرية، والفضل بعد ربنا يرجع للناس اللى دخلت الفيلم، أنا بشكر كل واحد فيكم من كل قلبى».

وتابع: «يارب نفضل دايماً عند حسن ظنكم، وثانياً أنا بشكر أستاذ طارق الجناينى صاحب الفضل عليا بعد ربنا على أنه شاف فيا موهبة ودعمنى من كل قلبه، وتانى حاجة على المخاطرة الكبيرة وثقته فى شباب لسه طالعة وأغلبيتهم كان أول مرة يمثل وطبعاً بشكر أستاذ رؤوف السيد المخرج العبقرى اللى قدر يطلع من كل واحد فينا أحسن ما عنده ومعاملته لينا وقدر يحتوينا ويثق فى موهبتنا».