تحدث الفنان طارق لطفى عن مسلسله «العتاولة»، الذى يبدأ عرضه مع بدء شهر رمضان، وتحدث عن دوره، وموقف نجله من اللوك الذى يظهر به. وقال طارق لطفى من خلال الفيديو: «أول مرة أعمل شعبى، والموضوع تحدى بالنسبة لى؛ لأن هذه الطبقة لديها أعراف وتقاليد وبيتكلموا بإيديهم وعندهم ألفاظ ولغة جسد مختلفة، وبيستخدموا مصطلحات غير اللى أنا قدمتها فى أعمالى السابقة، وبالتالى الأمر كان تحدى كبير بالنسبة لى». وتابع: «لما أحمد خالد موسى بعت لى ورقتين من السيناريو، تحمست وفرحت لما عرفت إن السقا معانا لأنه أخويا وألطف وأرجل حد ممكن الواحد يعرفه، وقلت أكيد الكواليس هتكون ممتعة، وبالفعل الكواليس جاءت مضحكة، والسقا بيصبرنى على الشقا اللى بنشوفه فى التصوير». أما عن اللوك الجديد، فقال: «ابنى ياسين مش بيحب يكلمنى فيس تايم عشان بيخاف من شكلى، ولكنى بتمنى إن الشخصية تعجب الجمهور». مسلسل «العتاولة»، من بطولة أحمد السقا، زينة، طارق لطفى، باسم سمرة، مى كساب، محمد نجاتى، صلاح عبدالله، ميمى جمال، فريدة سيف النصر، أحمد كشك، نهى عابدين، صفوة، محمد التاجى، هدى الإتربى، مريم محمود الجندى ومؤمن نور، ومن تأليف هشام هلال وإخراج أحمد خالد موسى، وتدور الأحداث فى إطار شعبى اجتماعى.