تغنى النجمة جنات، تتر مسلسل «بقينا اتنين»، الذى ينطلق عرض أولى حلقات اليوم الثلاثاء الموافق 16 رمضان، حيث تم طرح تتر الأغنية، التى تحمل اسم «حبنا وحكاياته»، والأغنية من كلمات أمير طعيمة، وألحان محمد رحيم، وتوزيع تميم، وصورتها جنات كفيديو دعائى للمسلسل قبل طرحه. تقول كلمات الأغنية: كنا سنة حاجة وتسعين.. كنا ساعتها صغيرين كان كل اللى بيملا قلوبنا.. فى ثانية ننظرة عين كان الباب قدام الباب.. ولا عاملين للدنيا حساب أجمل حب الحب اللى إحنا.. بنحسه ومحناش خايفين وسنين بتاخدنا سنين بتجيبنا سنين وتسيبنا سنين والذكرى اللى مابتسبش قلوبنا تسيب جوانا حنين للعمر اللى ضايع ولطعم الشارع والليل اللى سهرناه والأه وأحلى الكلام حبنا وحكاياته.. أيامنا اللى فاتوا لو مهما نعيش ونعيش.. ده مفيش زى دى أيام كنا سنة حاجة وتسعين تدور أحداث المسلسل «بقينا اتنين» فى إطار اجتماعى لايت، حول علاقة زوجية استمرت 25 عاماً، ولكنها توترت بسبب حال الفتور بين الزوجين وفقدان الشغف، مما يجعلهما يقرران الانفصال بعد زيادة الخلافات بينهما، ويؤثر القرار على حياتهما وحياة الأبناء. الجدير بالذكر أن مسلسل «بقينا اتنين» مكون من 15 حلقة، ويحمل العمل طابع اجتماعى لايت، وهو من بطولة شريف منير، رانيا يوسف، إدوارد، صلاح عبدالله، مروة عبدالمنعم، ميمى جمال، عزت زين، محمد نشأت، كما يعد آخر ظهور للفنان الراحل طارق عبدالعزيز، ومن تأليف أمانى التونسى، وإخراج طارق رفعت.