حلّ الفنان هشام جمال ضيفاً على أحد البرامج وتحدث عن الكثير من التفاصيل، حيث كشف الفنان هشام ماجد عن رأيه فى الأعمال الفنية الحالية قائلاً: «أكره الأعمال اللى بيبقى فيها نجم، وكله بيخدم عليه، بحب كل الموجودين يبقى له لازمة ومهم فى المشهد، وبحاول أعمل كده، وده بيدى للعمل قيمة أكبر، بيبقى فيها هات وخد، يعنى لو شفنا فيلم الناظر كلهم بيضحكوا وليهم لازمة، ومكتوب صح والمخرج شريف عرفة بيوزن الفيلم». وقال هشام ماجد، خلال استضافته ببرنامج «أسرار» مع الإعلامية أميرة بدر المذاع على قناة النهار: «شهوتى شراء الجزم، وساعات بيبقى مالهاش لازمة، وأنا وعمرو سلامة فينا الموضوع ده، عندى حوالى ٦٠ جزمة وحاططهم على الأرض، ومراتى بتضايق من ده، بقف فى المراية كتير واتأكد إنى كويس، مبشوفش نفسى حلو وكتر خير اللى بيشوفنى حلو، مبحبش تغيير الشكل والعمليات، إلا لو عندك عيب مضايقك أوى، مش زعلان من أحمد فهمى عشان أعاتبه، وهو بيكلمنى كتير، وأنا اللى مقصر معاه، وطالع معاه ضيف شرف، وأنا عندى فيلم فى العيد، اسمه فاصل من اللحظات السعيدة».