عبرت الفنانة يسرا عن سعادتها الكبيرة بردود فعل الجمهور الإيجابية بعد العرض الخاص لفيلم «شقو» فى إحدى السينمات الكبرى بمدينة السادس من أكتوبر. وقالت يسرا فى تصريحات تليفزيونية: «أنا حاسة ان هو فيلم مختلف وهيكسر الدنيا إن شاء الله وبتمنى كده» وخلال اللقاء عبَّر المخرج محمد سامى أحد ضيوف العرض الخاص للفيلم عن إعجابه بالفيلم قائلاً: «أنا اتفرجت على الفيلم فى المونتاج، وهو من أحلى الأفلام اللى شوفتها، وهيكون أحسن وأهم فيلم السنة دى، ومبروك ليهم كلهم وكل واحد فيهم عامل أحسن حاجة عنده». لترد عليه يسرا خلال اللقاء قائلة: «مادام محمد سامى قال كده يبقى مهم جداً لأن رأيه غير عادى، وعنده إحساس بالجمهور غير عادى، وعارف الجمهور عاوز إيه». فيلم «شقو» من بطولة عمرو يوسف ومحمد ممدوح وأمينة خليل ويسرا ودينا الشربينى وعباس أبوالحسن ووليد فواز ومحمد جمعة وتأليف وسام صبرى، والفيلم مأخوذ عن عمل أدبى، ومن إخراج كريم السبكى.