فى أحد اللقاءات التليفزيونية الجميلة مع الفنان سعيد صالح رحمة الله عليه، وكان هو المرشح الأول لدور سليمان غانم الذى قدمه الراحل صلاح السعدنى قال: «هو أنا كنت هعمل الدور ده بالحلاوة والعظمة إللي عاملها صلاح السعدنى، صلاح كممثل من أمتع الممثلين اللي بشوفهم وصاحبي، صاحبي جامد يعني صداقة عُمر، أنا وهو وعادل إمام صداقة عُمر، كانوا زمان يقولولك سعيد كالسعدني وأنا حسيت إن الدور ما راحش لحد غريب راح لصلاح برضو، وكان متفوق وكان جميل وكان رائع وكان علامة من علامات التليفزيون، صلاح السعدني عمل دور مش هيتنسي خالص زيه زي صلاح منصور لما عمل دور العمدة وخد جوايز جامدة.. صلاح السعدني لازم ياخد جوايز جامدة لأنه عمل دور مش سنه، صلاح أصغر من سليمان بكتير.. صلاح أدانا أمل اننا لما نكبر هنبقى ممثلين عفاريت، دا إحنا كدا وإحنا صغيرين بنعمل عواجيز، أومال لما نكبر هنعمل إيه؟ فرحت الصراحة بالسعدنى وفرحى بيه مش من فراغ كأنى فرحان لنفسى بالظبط».