تحدثت الفنانة بسمة عن مشاركتها فى رمضان 2024 بمسلسلى «مسار إجبارى» و«بدون سابق إنذار». وقالت بسمة فى تصريحات تليفزيونية لها عن شخصية «نعنانة» فى «مسار إجبارى» : «مكنتش عارفة حاجة عن المسلسل فى البداية، لكن كنت عايزة أشتغل مع نادين خان لأنها مخرجة شاطرة، وبدأت أعرف عن شخصية (نعناعة) إنها ست بسيطة وطيبة وفرفوشة، روحها فى ابنها وبتحب الحياة، وحدانية ومقطوعة من شجرة بعد موت أمها وأبوها فى حادثة، هى ست لطيفة، عيبها الأساسى إنها (عيوطة)». وعن مشاركتها فى مسلسل «بدون سابق إنذار» قالت بسمة: «بدون سابق إنذار مكنش مخطط له، آسر صديقى من زمان حتى قبل ما نشغل فى فيلم (رسائل البحر)، وهانى خليفة صديق من زمان وعمرنا ما اشتغلنا مع بعض، كنت حابة إنى أروح أستمتع بالشغل مع أصحاب موهوبين بحبهم حتى لو الدور مفيهوش أى تحدٍ، رحت وانبسط معاهم عملت دور صغير بس حقيقى ويتصدق، كان ظهور خاص».