كشف الفنان كريم قاسم سبب عدم ارتباطه حتى الآن، مرجعاً ذلك لخوفه من فكرة الزواج. وقال كريم قاسم، عبر تصريحات تليفزيونية له: «أنا مش شخص تقليدى ولا اتربيت بشكل تقليدى، عمر ما أهلى قالولى تعالى فى بنت هنعرفك عليها ولا جايبين ليك عروسة، ولا حتى أختى قالولها كده، معندناش المفهوم دا وكل واحد حر يعيش تجربته ومحدش جيه فى يوم يسألنى مش هتتجوز بقى». وأضاف قاسم: «فى أى علاقة مكنتش بوصل لمرحلة أن واحدة تقولى مش هنتجوز؟، أنا خايف دى حاجة مطلقة، أى راجل تقوليله هتروح تقابل أبو العروسة وعيلتها أنا بالنسبة ليا ده وأنا بحكى عنه جابلى ضيق تنفس، بقالى 10 سنين مدخلتش فى علاقات عدت 9 شهور». وختم قاسم حديثه قائلاً: «مش بفكر إنى فنان وأخسر معجباتى، أنا مش مهتم بده لأنه مش أولوية أنا عندى شغف وبحب التمثيل، وعايز أمثل وأخرج أياً كانت النتيجة».