وجه الفنان رامي جمال رسالة شكر لجمهوره من خلال حسابه الرسمي على موقع تبادل الصور والفيديوهات "إنستجرام"، وذلك بعد النجاح الكبير الذى حققته أغنية "بيكلموني". وكتب رامي جمال: " الحمدلله النجاح الحقيقي بيبقي بسببكوا ومنكم وعدت نفسي وعد ووعدتكم ان السنة دي بداية النجاح الحقيقي اللى حلمت بيه ، النجاح الحقيقي اللى مش هتنازل عنه وبالعكس هيكبر، لأن مشوار النجاح كبير ومشوار الفن مش نجاح مرة ، وبشكركوا على دعمكم وتشجيعكم ، وبشكر الصناع اللى شاركوني من وقت ما بدأت لحد انهاردة". وتابع:" انا بشكر كل الشركات اللى اشتغلت معاها و الشركة اللى بشتغل معاها دلوقتي ، ووعد وكله ثقة فى ربنا أن الخطوات الجاية أحلي وأهم وأكبر .. وبشكر كل الصحفيين اللى كتبوا على كل خطوة عملتها لحد انهاردة " . وأختتم: "بقول للجمهور الراقي العزيز هدفي انكوا كعيلتي تتبسطوا مني وبيا وبقولكوا لسة الصيف فيه مفاجأت". وتصدرت أغنية "بيكلموني" التي طرحها رامي جمال مؤخرًا ضمن أغاني ألبومه الجديد "خليني أشوفك" المركز الثاني في قائمة تريند "يوتيوب"، وتخطت أيضًا حاجز 600 ألف مشاهدة بالرغم أنه لم يمر على طرحها سوى يومين، وهى من كلمات مودي نبيل، ألحان فارس فهمي، وتوزيع وميكس وماستر وسام عبد المنعم، جيتار أحمد حسين.