الأربعاء 24 يوليو 2024

بعد انتهاء عرض مسلسل «دواعى السفر».. أمير عيد يوجه رسالة إلى الجمهور

أمير عيد

18-6-2024 | 10:59

عمرو والى
عبَّر الفنان أمير عيد عن سعادته برد فعل الجمهور على مسلسل «دواعى السفر»، واعترف بأنه لا يزال بحاجة إلى تعلم المزيد عن التمثيل. وكتب أمير عيد عبر حسابه بموقع «إكس»: «عايز أشكركم كمان بقى بما إنى برغى النهارده على كلامكم الحلو عن مسلسل دواعى السفر، مكنتش أتصور أن ممكن حد يشكر فى تمثيلى سواء نقاد أو جمهور، وعارف أنى لسه محتاج أتعلم أكتر لو حبيت أمثل تانى. وعارف أنكم كنتوا بتعدولى حاجات عشان بتحبونى أو بتحبوا أغنياتى وكده. كان نفسى أقولكم والله دى شخصيتى الحقيقية ولا لأ فى المسلسل، بس أنا مش عارف شخصيتى الحقيقية أوى أنا كل يوم بشخصية». وحرص أمير عيد على تهنئة جمهوره بعيد الأضحى، معبراً عن حبه الكبير لهم: «كل سنة وأنتم طيبين، عايز أقول حاجة وعارف إنها مش لايقة عليه بس أنا بحبكم جداً». وتابع أمير عيد: «مش اللى هو بقول بحبكم المعروفة اللى بتتقال فى المناسبات وكده أو عشان تحبونى وتسمعونى. لأ أنا بحبكم فعلاً ورسايلكم اللى بتجيلى بتفرق معايا فى حياتى وبتأثر فيا وبتلهمنى. وعارف أن هى علاقة استثنائية مش موضوع فنان ومعجبين وكده. أنا عارف أنها حاجة أكبر من كده وإننا نشبه بعض أو إخوات مثلاً.. أو أنا يعنى بظن أو بدعى ذلك. عيد سعيد».