كشفت الفنانة ميرنا جميل عن كواليس تصوير مسلسل «البيت بيتي» ، بطولة الفنان كريم محمود عبدالعزيز ومصطفى خاطر، مشيرة إلى إنها تحب شخصيتها في العمل لأنها عكس شخصيتها الحقيقية تمامًا. وقالت ميرنا عبر تصريحات إذاعية لها: «المسلسل حالة خاصة أوي من كل حاجة، إنتاج ،كتابة، إخراج، تمثيل، وكان فيه كيميا بين الناس في المشاهد، وأنا بعشق شخصيتي في المسلسل (أحلام) لأنها عكس شخصيتي الحقيقية تمامًا». وتحدثت عن مسلسلها الرمضاني «بيت الرفاعي» مع الفنان أمير كرارة، وقالت: «أنا بعشق دور" سامية حلويات" البنت الجدعة الطيبة واللي بتحب من قلبها و بتقف جنب حبيبها، وانبسطت بالتجربة مع أمير كرارة لأنه بصراحة إنسان طيب وجدع وخلوق، وكانت فيه مشاهد كتير كنت بسأل نفسي هو أنا لو قابلت حد وحبيته هعمل علشانه كل ده، وهي ما كانش مكتوب لها مشاهد كوميديا لكن الضحك كان جاي من المواقف نفسها واختلاف شخصية" سامية" عن شخصية أمير كرارة الجادة جدا في دور د. ياسين». و عن علاقتها بوسائل التواصل الاجتماعي تابعت: «أنا ماليش في السوشيال ميديا إلا مؤخرًا، وفي ناس محترمة دلوقتي ماسكين الحسابات بتاعتي، و انا بتابع بالراحة ، مش عايشة 24 ساعة عليها».