تحدثت الفنانة غادة عبدالرازق، عن الصعوبات التي واجهتها في بداياتها الفنية وكيف لم تجد التشجيع الكافي من عائلتها ، وقصة دخولها الفن بشكل عام، كما تحدثت عن إصرارها على النجاح وحجز مكانها بين نجوم الصف الأول. وقالت غادة عبد الرازق عبر تصريحات تليفزيونية لها: «في الأول عيلتي قالتلي مش هتنجحي ومش هتبقي نجمة، هتشتغلي كومبارس، قولتلهم في يوم من الأيام هبقى نجمة ونجمة صف أول وهتشوفوا بإذن الله». وأضافت عبد الرازق: «ماليش منافس على الساحة، لأن مفيش حد شبهي و دي الحقيقة، أنا ستايلي وشخصيتي وتمثيلي مش شبه حد، علشان كدا أنا متأكدة إن مفيش منافس ليا على الساحة». وعن فيلمها «تاني تاني»، أكدت أنها سعيدة بتجربة العمل، لأنه أعادها للكوميديا مرة أخرى، قائلةً: «أنا قبلت الفيلم دا لأنه رجعني للكوميديا تاني وعملت شخصية جديدة، ماحدش كان يتوقعها منيّ، ومتوقعتش النجاح اللي حققه الفيلم، و الجمهور قالي إن دمي خفيف وطلبوا منيّ أرجع للكوميديا تاني».