فى أحد اللقاءات التليفزيونية مع الفنانة الراحلة مريم فخر الدين، التى كانت معروفة بصراحتها المفرطة، سُئلت عن أسباب استمرار أفلام الزمن الجميل، فقالت: - ليه دلوقت فيه أفلام بيبقى مصروف عليها ومش بتعيش زى أفلام زمان؟ هقولك.. زمان كنت أنا بقدم نوع، وشادية نوع وفاتن نوع.. النهارده تلاقى واحدة قد جدتى واخدة دور واحدة بتعاكس ابن الجيران وعاملة نفسها طفلة، أنا لما كان عندى ٣٥ سنة كنت صريحة مع نفسى وقولت هعمل دور أمهات مش أدوار بطولة، مع إن ٣٥ سنة ده صغيرة، ده دلوقتى واحدة تكون عندها ٥٠ سنة، ويقولك نجمة الإغراء !!