انضم الفنان حسين فهمى لموقع الفيديوهات «تيك توك» لأول مرة، بعد تجنبه لسنوات، وذلك منعاً لمنتحلى شخصيته من الاستمرار عبر مواقع التواصل الاجتماعى، بحسب ما أعلنه. وشارك حسين فهمى الجمهور أول مقطع فيديو له، وقال: «بسجل الفيديو عشان أقولكم حاجتين: أولاً أنا كنت ببتعد عن السوشيال ميديا وكنت بعتبره عالم افتراضى ومش واقعى، لكن اكتشفت ناس كتير بتقول كلام باسمى وبتقول معلومات غلط، وناس بتستفيد من اسمى، وعملت جروبات، ولقيت أصدقاء بتقول بعتنالك، وانت قلت ومقولتش، وأنا مقولتش حاجة». وأضاف فهمى: «قررت إن أنا يبقى ليا موقع وأدخل فى السوشيال ميديا بكل ما فيها من حسنات وسيئات، وأتقبل مصيرى وأتحمل، مادام أنا قعدت فترة طويلة بعيد، فيستحسن أن أنا أقرب وأتحمل كل النتائج».