حل النجم محمد هنيدي، ضيفًا على برنامج "بيت السعد" والذي يقدمه النجمان عمرو وأحمد سعد، ويخرجه محمد سامي. وكشف محمد هنيدي خلال البرنامج عن تفاصيل تقديمه لشخصية النجم العالمي عمر الشريف في فيلم "إشاعة حب"، قائلا: بعد فيلم" رمضان مبروك أبو العلمين"، الإعلامي عماد أديب" قالي هنعمل إشاعة حب الجزء التاني، وأنا كنت هعمل شخصية عمر الشريف". كما روى هنيدي تفاصيل حصوله على أهم 10.000 جنيه في حياته قائلًا: اتفقت على مسلسل تيمون وبومبا بـ 10 آلاف جنيه، وقلت للمنتج "إني هاخدهم دلوقتي عشان اشتري عربية بتكييف، وهخلص المسلسل ده في 10 أيام، وفعلا خلصت في الوقت ده، وجبت العربية وبعدها باص أحمر كبير خبطني وأنا رايح للمونتاج ". وأشار هنيدي، إلى أن الكوميديا مازالت موجوده ومن المستحيل أن تختفي معلقا: "دلوقتي فيه كوميديا ومستحيل الكوميديا تختفي لو اختفت الأكسجين يتسحب، بس بتمر بفترات ضعف أحيانا بسبب التكنولوجيا و بقا فيه أساليب كتير جدا بتضحك، لكن يبقى الورق أهم حاجة، والكوميديا بخير وشايف أجيال بتطلع واللي هيستمر اللي ميستسهلش " .