في أحد الحوارات الصحيفة المنشورة في مجلة" الكواكب" عام ٢٠٠٢، أي قبل وفاة الفنانة" أمينة رزق "بعام واحد ، سألها الصحفي عن اعتزال بعض الفنانين .. فقالت : سبق وقلتها مليون مرة ، لما انتشرت الحكاية دي وطلع اللي بيقولوا إحنا تبنا عن الفن، قلت لهم الفن مفيهوش توبة أنتم تبتم عن معاصيكم الشخصية الفن فيه جمال ، بدليل إن بعضهم رجع يمثل تاني، انا معرفش هما رجعوا ليه ، واحدة شافت إنها مش قادرة تواصل مشوارها دي مسألة شخصية لكن الفن ثابت ،و قيمتة ثابتة ، و اي حد سلوكه سيئ هو اللي بيسيئ للفنانين ، مش العكس ، واحدة تاخد المسألة بطموح حتوصل للنجومية ، وواحدة واخداها نص نص حتبقي ممثلة محدودة . في رأيي أن الفن ليس له نهاية ،كلما ابدعت تصبح في حاجة إلى الإبداع أكثر ، وانا ضد الاعتزال على طول الخط، بدليل أنني مازلت أعمل حتي وأنا زي ما انت شايف" متكسحة" ، و لما حد بيسألني ،حتعتزلي إمتي بقي ؟ باقول لهم :مش حاعتزل ، الا لما الجمهور يتخلى عني، أنا تحت أمره أنا ماليش هدف تاني غير الفن ولن أحيد عنه أبدا وريحوا نفسكم " .